Gobierno porfin na final di siman, a sali afo y bin mustra cu nan ta tumando accion relaciona cu e candela incontrolable den e Dump ilegal na Tamarijn.Ministro di Husticia Dowers, a indica cu lo bay check si acaso e doño tin tereno tin e permisonan necesario pa tira sushi eynan. Pasobra bo no por crea malestar pa publico, depositando un sushi meymey di zonanan habita sin e permiso di Gobierno. Tur loophole di pasado den e leynan aki a wordo cera, pues e reglanan a bira mas severo.
Ministro a divulga, cu autoridad a yega di papia y hasta palabra cu e doño na Tamarijn cu lo stop completo cu tiramento di sushi, y hasta un carta tin mustrando riba un deal entre e doño y bisiñanan. Pero loke a pasa e siman aki ta un abuso, y e Ministerio lo bay papia trata e caso y lo por tuma accion contra e doño di e tereno.
E doño di tereno a splica cu e tin un palabracion cu ta ricibi grof vuil pa yena e buraconan y esaki lo bay segun guia di e comision. Pero mester tin cierto control ora di benta grofvuil, y aparentemente esaki no tabata tumando luga. Cu loke el a worde yena, awor ta creando malestar pa e bisiñanan.
FUENTE: http://www.diario.aw
