Polis a haya yamada cu den un autobus riba e ruta di Playa cu Noord tin un homber straño constant den e autobus. Nan ta mire mas biaha casi tur dia y henter dia den e autobus. Polisnan a bay na misa di Playa pa mira si ta topa cu e autobus. A topa cune y a bay haci e control. A topa e homber sinta na banda dilanti. Ora a papia cune ta resulta un homber di Veneuela.A saca afo cu el a yega Aruba y a keda intencionalmente atras. E polisnan a pidi pa transporte.
El a keda sinta den e autobus te ora e transporte a yega. Aki agentenan a pidie pa e baha. Den un caso ora di transporta hende semper mester boei e detenido pa seguridad di Polis.
Pero esaki no a bay facil. E homber kiermen su pia ta malo, pero Polis kier a boei su man y no su pia. El a cuminsa resisti pisa cu Polis y grita cu e no ta criminal. Polis a bise pa e copera.
E dama chauffeur di e autobus tambe a pidi pa e copera cu Polis. Despues di basta esfuerzo a logra boei e homber pa asina bay cune warda. Mester remarca cu awendia no por confia ningun sospechoso.
Seguridad ta na prome lugar. Si el a coopera cu e proceso Policial tur cos a cana nechi. Awor e lo worde manda pa Warda Nos Costa y deporta pa Venezuela despues cu desde 2016 e ta ilegal na Aruba for di Venezuela.
Durante henter e momento di espera e ilegal tabata graba e Polisnan cu su telefon mas cu un ocasion manera un intimidacion. Polis a bise cu nan no tin miedo di dje. Ora cu e tabata resisti e chauffeur di e autobus mes tabata pidie pa e calma pero e no tabata bay facil.
FUENTE: http://www.diario.aw ->> Ir
