PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

jueves, 10 de octubre de 2019

(Aruba) Gobierno Mike Eman ta den hombre del Ministerio Público

Tin un motibo pisa pakico Gobierno Mike Eman ta den ansha total pa gobierno actual baha y awor bini eleccion nobo. Na momento cu ex Ministro Presidente Mike Eman a rementa ayera contra Ministerio Publico, el a habri porta pa defende su mes pasobra futuro di gabinete Mike Eman ta den man di Ministerio Publico.

Manera DIARIO a mustra pueblo na varios ocasion, for di 2018, Ministerio Publico a ricibi e documento di Algemene Rekenkamer Aruba, e aparato oficial di control di gastamento di placa di Pueblo.

Ta trata aki di un documento cu cualkier persona cu no ta experto lo tin problema pa comprende. Pero e ta un acusacion directo contra Gabinete Mike Eman y e forma cu nan a gasta placa di pueblo sin ningun control.

Den e rapport oficial, traha dor di e organo di estado oficial, Algemene Rekenkamer Aruba, gobierno Mike Eman ta wordo directamente acusa di a trapa riba e leynan cu ta exigi gobierno pa atende cu placa di pueblo na forma responsabel.

Ta uno di poco bes den historia, cu un tipo di rapport cu acusacionnan directo contra un gobierno ta mira luz di e forma aki.

Algemene Rekenkamer Aruba ta splica con proyectonan a wordo introduci a base di 1.6 Biyon Florin di pueblo di Aruba cu mester a sirbi pa Gobierno Mike Eman reparti proyectonan sin control, mientras cu nan miembronan di Parlamento a duna nan sosten pa esaki.

DIARIO lo bini cu mas cifra cu ta demostra cu no ta e suma so cu gobierno Eman a bisa so pueblo mester paga awor. Por mira cu e suma total lo a bira casi 600 Miyon Florin.

Uno di e proyectonan ta Hospital nobo, cu a bira un desaster total. Awe no solamente e ta un peliger pa personal y pashent, pero e ta parti di e documento cu tin den man di Ministerio Publico y den cual un pagina nobo ta wordo skirbi.

Sin duda tur e problemanan actual na Hospital lo haya un base mucho mas profundo ora e rapport aki wordo atendi den publicidad.

Lo ta dificil pa den e caso aki, e posibilidad di falta di prueba por wordo uza ya cu ta a base di prueba e investigacion ta tuma luga.

Pio ainda, gobierno Mike Eman no a haci ni caso di e rapport di Algemene Rekenkamer Aruba na 2017 y no a haya necesario pa reacciona. Esaki a haci cu ta cambio di gobierno a trece e rapport den publicidad manera Ley ta exigi.

Den e caso aki gobierno Mike Eman no por bisa cu ta wega politico ta hunga cu nan pasobra aki ta cu prueba directo di e instancia mas halto di control di Aruba gobierno Mike Eman mester atende.

Ora lesa e rapport pa loke ta trata e proyecto Hospital, parti di e rapport Bo Aruba, por comprende kico a pasa cu e proyecto y pakico Aruba no por defende su mes den loke a wordo haci cu placa di Aruba sin ningun control.

Awe DIARIO pues ta bolbe presenta prueba cu ya gobierno Mike Eman mes ta den man di Ministerio Publico, cu e ta acusa di ta hunga wega politico.

DIARIO lo tene Aruba informa cu articulo basa riba prueba pisa cu lo duna prueba di e forma real cu gobierno Mike Eman a goberna cu placa di pueblo.


FUENTE: Con información de Diario de Aruba

LEA...

 

LO + Leído...