sábado, 22 de agosto de 2020

(Aruba) Ciudadano britanico a presenta demanda colectivo contra Marriott pa violacion di data

Un ciudadano Britanico a presenta un demanda colectivo contra e cadena hotelero Marriott International pa un violacion enorme di data, unda a expone data di 500 miyon bishitante. Cu e keho, e Britanico, Martin Bryant a bisa cu e ta defende tur victima.

Hackernan a kibra den server di un grupo di hotel mas chikito, Starwood hotels, na 2014. Nan a horta data personal y informacion di credit card. Dos aña despues, Marriott International a cumpra Starwood Hotels y na 2018, Marriott International a haya sa di e violacion di data.

E hackernan a haya acceso na e informacion pasobra e compania no a haci su best pa protege e data, segun Bryant a argumenta den un post di blog. Su caso ta inclui automaticamente tur bishitante di Wales y Inglatera di empresanan yiu di Marriott, manera Sheraton, Westin of Aloft prome cu september 2018, el a bisa. E ta exigi un compensacion di Marriott pa tur huesped Britanico afecta.

FUENTE: Con información de bondia.com
 

LO + Leído...