Frontera Aruba-Venezuela ta keda cera tres luna mas
Gobierno di Aruba a prolonga e ciere di frontera entre Aruba y Venezuela cu 3 luna mas. Prome cu 10 di mei 2021, Gobierno lo dicidi si lo sigui prolonga e ciere y cu cuanto tempo mas.
Na februari 2019, Venezuela a cera e frontera entre Venezuela, Aruba y Corsou. Dia 10 di mei 2019 Venezuela kier a habri frontera, pero cu Aruba so. Na e momento ey, Prome Minister Evelyn Wever-Croes a tuma e decision di cera e frontera entre Aruba y Venezuela. Inicialmente a cera e frontera cu un luna, y despues a prolonga e ciere cada tres luna, pa asina sigui monitorea e situacion.
Prome Minister Evelyn Wever-Croes a enfatisa cu mientras cu Aruba no ta completamente prepara pa e fluho grandi di persona riba nos pais, frontera entre Venezuela y Aruba ta keda cera.
Na e momentonan aki, Aruba ta pasando den retonan grandi y ta rekeri tur energia pa atende cu e retonan den nos pais prome. Gobierno di Aruba ta tene cuenta tambe cu e riesgonan di e corona virus cu ta haci cu Gobierno mester ta mas cauteloso.
Gobierno di Aruba mientras tanto ta atendiendo cu e retonan cu e crisis Venezuela ta trece cu n’e. Esakinan pa Gobierno ta retonan serio. Aruba ta keda cauteloso den esaki, y lo kier mira prome cu Venezuela mes ta atende cu e crisis den nan pais.
#10Mar || ÚLTIMA HORA: #Aruba 🇦🇼 #PROHÍBE todos los vuelos ✈️ provenientes de #Venezuela 🇻🇪 hasta el próximo #10Jun, según NOTAM A0211/21 publicado hace algunos minutos.
— Rodolfo Ruiz A. (@RodolfoRuizA) March 10, 2021
Esta medida ha venido extendiéndose trimestralmente durante el último año. pic.twitter.com/iK0fptb1rB
