Ex presidente di republica Dominicana Hipolito Mejia lo ta na Aruba

Dia 18 di augustus proximo, ex Presidente di Republica Dominicana iy actual candidato presidencial pa PRD, Hipolito Mejia lo ta na Corsow pa un bishita di un dia. Presencia di Hipolito Mejia ta den cuadro di huramentacion di comando di campaña di PRD pa Corsow.
Ta asina cu ya pa algun tempu caba, e candidato presidencial pa PRD Hipolito Mejia ta instalando comandonan di campaña den diferente pais y estadonan rond mundo, cu ta yude gana eleccion na mei 2012. Ta asina cu contrario na por ehempel na Corsow of Aruba, un Dominicano, no ta importa unda e ta biba, mester registra y por vota tambe riba un dje candidatonan presidencial den eleccionnan di su pais. Esaki a pone cu por ehempel luna pasa candidato presidencial Hipolito Mejia tabata na New Jersey, caminda a instala e comando di campaña. Pa nos Islanan aki banda, dia 17 di augustus, Hipolito Mejia lo ta na Aruba, dia 18 na Corsow y dia 19 lo biaha pa Boneiru, caminda e lo huramenta e comando di su campaña presidensial.
Den proximo dianan lo bini mas informacion relaciona cu bishita di Hipolito Mejia na Corsow y Aruba tambe.

FUENTE: http://www.diario.aw/2011/08/ex-presidente-di-republica-dominicana-hipolito-mejia-lo-ta-na-aruba/