Mal tempo na Venezuela a causa desvio di hopi vuelo

ORANJESTAD (AAN): E condicion di tempo na Venezuela no ta esun mihor. Ayera varios vuelo mester a wordo desvia pa motibo di mal tempo.
Na e aeropuerto Simon Bolivar na Maiquetia tabata tin restriccion den su operacion pa motibo di e condicionnan meteorologico cu a registra na estado Vargas.
E restriccion lo mantene te ora e situacion mehora den e region esaki cu pa garantiza e seguridad di tur e pasaheronan cu ta viaha den vuelonan local y internacional.

E vuelonan cu a keda desvia ayera tabata Aserca 771 procedente di Maturin, desvia pa Barcelona. Aeropostal 345 procedente di Puerto Ordaz desvia pa Barcelona. Conviasa 2381 a ser desvia pa Porlamar.
Laser 923 procedente di Porlamar a keda desvia pa Valencia. Avianca 609 procedente di Bogota a keda desvia pa Aruba.
E vientonan tabata basta fuerte y pesey a tuma medidanan di seguridad pa loke ta e aterizahe y salida di e avionnan.

FUENTE: http://www.diario.aw/2011/09/mal-tempo-na-venezuela-a-causa-desvio-di-hopi-vuelo/