(Aruba) Guardacosta ta intercepta contrabanda di hende riba lama

ORANJESTAD(AAN): Un total den seis persona tabata abordo di un boto di Venezuela caminda pa Aruba. A pone man riba e seis personanan aki prome cu nan a caba cu nan mision. E boto a bin baha cuater persona cu a sali for di Venezuela cu intencion di subi tera na Aruba banda di Sero Colorado den forma clandestino. E tipo di cosnan aki awendia sigur a bira algo hopi mas castigable.
Ta considera esaki contrabando di hende. Den pasado varios tabata esnan cu a muri door di e tipo di actonan aki. Entre esnan gara tabata tin Colombiano y Venezolano.
Dos Venezolano sigur lo mester bay duna cuenta dilanti di huez pa contrabando di hende. E otronan lo ser manda back pa nan pais. E boto ta keda confisca. Fiscal a worde yama y a presenta diahuebs marduga na base di kustwacht na Aruba. Personal di Warda Nos Costa tambe a presenta y despues di interogacion a hiba esnan deteni warda di San Nicolas.

FUENTE: http://www.diario.aw