Dos detencion ora Kustwacht a haya boto local cu chines ilegal

ORANJESTAD(AAN): Na waf di Barcadera esnan di kustwacht di Aruba a obliga un boto local drenta back. E boto aki Aquaholic a sali di Aruba y tur cos ta mustra cu abordo tabata tin un chines cu no a klaar uit abordo. Durante control riba lama a obliga e boto rumbo pa Venezuela bolbe back nos isla.
Na waf a cuminsa cu e proceso di investigacion. E capitan di e boto a keda deteni mesora. E chines ilegal cu a sali sin klaar uit cu intencion di drenta Venezuela den forma clandestino tambe a keda deteni.
Ministerio publico lo atende pa tuma un decision. E boto a ser tuma den beslag. Tur cos ta mustra cu ta purba haci contrabanda di hende. Esaki ta castigable pa ley. Semper ta haya hende ta purba drenta nos isla for di Venezuela.
E biaha aki a purba hinca hende na Venezuela pero den un control di kustwacht a gara e boto cu e chines.

FUENTE: http://www.diario.aw