Avion di Tiara a dal den Burico na Punto Fijo

ORANJESTAD(AAN)– Dialuna anochi alarma a ser bati na aeropuerto di Aruba pa un avion di Tiara Air cu tabata bahando cu problema cu su landing gear. Mesora ambulancenan a mobiliza mientras cu polis a ser tur e camindanan rond di aeropuerto. Bomberonan tambe a warda e yegada di e avion Short 360 di Tiara. Ora el a baha e crash truck di bombero a compañe te na e rampa unda el a posiciona su mes.
A cuminsa inspecciona e landing gear y asina a bin constata cu e landing gear tabata tur sushi na sanger.
Ta calcula cu el a dal den un burico cu lo tabata riba pista.
Straño di henter e asunto aki ta e forma cu Tiara Air ta lanta vuelo riba un pista cu ta peligroso anochi pa falta di seguridad.

Esaki ta basa riba e cantidad di burico cu ta subi pista pasobra e cura rond di pista ta yena cu buraco, segun propio expertonan den aviacion. No ta conoci con grandi e daño ta na e avion pero sigur nan lo cuminsa traha riba e problema.

FUENTE: http://www.diario.aw