E aspecto unico di ARE ta cu entrada ta gratis y tur persona cu ta interesa por pasa libremente na WTC sin mester di meld nan mes. E evento aki lo start cu e apertura mainta 10 or dor di Minister Plenipotenciario sr. Edwin Abath. Despues lo sigi un workshop di PriceWaterhouseCoopers (PwC). Den e di dos parti di ARE, Fatum Corporate lo tene un presentacion.
Aruba Recruitment Event 2011 por conta cu participacion di mas cu 15 compania y organisacion di diferente sectornan. E lista di compania y organisacion partcipando ta: ALBO Aruba, Aruba Bank, Arubaanse Wegenbouw Mij., Arubahuis, ByGonga, Caribbean Mercantile Bank, Croon Caribe, Departamento Progreso Laboral, Dr. H. E. Oduber Hospital, FATUM, Hoevertsz ArchiDesign, PricewaterhouseCoopers, RBTT RBC, ROMAR Trading, SETAR, TNO, WEB Aruba NV, y We Love Students.
Aruba Recruitment Event ta brinda e profesional y studiante Arubiano na Hulanda mas cu solamente e contacto directo cu compania y organisacionnan di Aruba. E ta duna tur bishitante e oportunidad unico di yega na informacion cu prome tabata hopi dificil pa haya. Tur presente por ta na altura di kico ta pasando na Aruba riba diferente area y tambe kico nan por spera den futuro. Ademas, Aruba Recruitment Event ta duna e bishitante e oportunidad di laga esnan presente check nan CV na e CV Checkpoint y tambe bo por graba bo CV na e Video Booth. Algo nobo pa esnan cu sa bishita job fair.
Pa completa e dia na Rotterdam di parti di Flinx, cu ta e compania organisador di ARE y tambe di OCAN ta invita tur e bishitantenan di Aruba Recruitment Event 2011 pa e ‘Dutch Caribbean Young Professionals Gala’. Esaki ta tuma luga net despues di Aruba Recruitment Event cuminsando for di 7 or di anochi na WTC Rotterdam.
FUENTE: http://www.24ora.com
