Presidente di Parlamento di Aruba a ser ricibi na Panama pa e funcionarionan di protocol di e organismo legislativo di Latino America y un bes a ser traslada pa e cede.
Akinan a reuni cu e Presidente di Parlatin Diputado Elias Castillo hunto cu otro miembronan di e mesa directiva. E reunion aki tabata uno di importancia mirando e avancenan riba e cede y e aporte di e Presidente di Panama na esaki.
Durante e encuentro aki Presidente di Parlamento di Aruba a mustra Presidente di Panama, sr. Martinelli riba e lasonan cu ta existi entre Panama y Aruba. Tur dos pais, ta paisnan den desroyonan importante den infrastructura y energia alternativo. Tambe por mira cu na Panama tin un bon ambiente di inversion y di comercio. Croes a mustra e Presidente riba e lasonan cu ya caba ta existi entre e dos paisnan.
Tin trabaonan importante ta worde haci dos di e Consul Honorario di Panama na Aruba señora Anabel Arends pa asina lasonan logistico, comercial y politico keda estrecha mas. Croes a reitera e invitacion haci na e Presidente pa Aruba, cu muy probablemente lo keda realisa ainda na Augustus of September 2012. E mesa directiva di Parlamento Latino Americano ta conta cu un Arubiano aden como representante di nos pais y esaki sigur ta habri posibilidadnan manera esaki, pa estrecha lasonan politico cu un pais manera Panama, cu ta pasando den un periodo impresionante di crecemento economico. Un estudio riba e lasonan strategico cu esaki por nifica lo por tin resultadonan interesante pa nos pais. Durante e bishita aki por a tuma nota di varios medio di comunicación di Panama cu e cover e bishita di e Presidente Martinelli aki ampliamente.
FUENTE: http://www.diario.aw
