Durante un control riba e caminda direccion Pos Abao na altura di Fantastic Garden a topa cu un auto maneha pa un homber.
E auto tabata core straño y e chofer no tabata tin faha di seguridad bisti. A bai su tras y a logra pare tambe. Ora cu a cuminsa cu e proceso di control ta resulta cu ta un conocido pa husticia di Aruba.
E homber aki tabata deteni como sospechoso den e caso serio di asesinato unda na Bubali unda a tira un otro homber Colombiano mata. A haya droga den pañanan di e victima tambe e dia di asesinato..
A base di investigacion un detencion a cay pero pa falta di prueba y cooperacion di e sospechoso Colombiano no por a sigui detene.
El a wordo deporta for di Aruba mirando cu e tabata illegal.
Pa sorpresa durante control ta topa cune atrobe.
El a keda deteni pa falta di documentonan di estadia pero awor lo bolbe deporte. E pregunta ta keda con el a yega Aruba.
Na Aruba mes tin algun local cu regularmente ta sali for di Aruba mainta bai zuid y bolbe atardi. Den e biahenan aki algun di nan ta haci cierto cosnan straño cual autoridad Venezolano pero tambe local tin bista riba nan.
Sea el a drenta via boto of el a drenta for di e portanan legal pero cu ayudo di esnan cu mester eherce e control. Ta cosnan cu mester wordo investiga. Mientrastanto durante su detencion el a coopera cu autoridad di Aruba y no a resisti. Warda Nos Costa tine atrobe pa mande bek su pais.
E foto aki ta di archivo dia cu a tira e victima Colombiano mata. Aki ainda e tabata na bida pero ora a yega hospital si e no tabata reacciona mas.
FUENTE: http://www.diario.aw
