E guardia a declara na polis, cu e homber para na otro banda di caminda na altura di Promenade restaurant direccion Oranjestad a asalta un turista.
Relaciona cu e version e patruya a acerca e homber y el a cuminsa expresa prome cu polis a puntre algo, cu ta mal comprendimento tabatin y cu el a debolbe e slof nan.
Debi cu polis a haa esaki straño y cu su permiso patruya a bay cune na Tamarijn hotel pa haya un que otro claridad.
Na yegada, parce cu e guardia en cuestion a bay cas caba.
A puntra un que otro na e guardia inicial L. y nan a bay direccion di e beach towel hut na unda e turista lo ta , pero nan no a localize.
Buscando mas informacion a presenta un turista cu despues a haya sa cu ta M. Keen y el a declara cu el a atrapa e homber cu su slofnan blanco.
Keen a declara di a bay direccion Palapa ora el a wak un homber cu su slofnan na shower.
Keen a acerca e homber y el a bisa e homber cu e tin su slof bisti.
Ee homber a cuminsa expresa cu e no ta comprende nada. E señora bisa cu el a comprende masha bon cu el a horta su slof. Keen a sigui bisa despues cu el a bisa e homber esaki , e homber a debolbe e slof y a pidi despensa y despues e homber a cana bay.
Keen a declara tambe di a pidi yudanza ora el a wak cu e homber a bolbe y a cana bay na un otro palapa y a pasa man pa un tas cora, e tas ta di Little Switzerland, despues di a pidi yudanza otro bishitantenan a bin yude pa busca personal di seguridad y nan a cana tras di e homber.
Despues cu polis a tuma declaracion di Keen, patruya tuma contacto cu nan comandante y polis a bay hunto cu e homber direccion di warda di polis pa sigui tuma mas informe.
Mientras tanto polis a haya sa cu e homber ta tripulante di e crusero Monarch Pullmantur relacion cu e sucedido fiscal a dicidi pa entrega e sospechoso G.A. Vanegas Gomez na e capitan di e crusero en cuestion. Na yegada na Monarch Pullmantur polis a papia cu staff capitan y el a wordo poni altura di e incidente.
E staff capitan a bisa e agentenan di lo tuma medida disciplinario contra e tripulante y tambe tabata presente, boarding oficial pa Pullman di Maduro and Sons. Y por ultimo e sospechoso a wordo entrega na staff capitan.
| FUENTE: http://www.diario.aw |
