E mandatario a splica con tur e temponan aki a cuminsa un serie di atake directo cu su persona a ricibi placa pa duna un permiso na famia van Romondt den e caso di Glitz Casino y cu Señora Evelyn Wever-Croes ta colga na e acusacionnan aki.
Para ver más: http://www.diario.aw/2015/01/ta-desmenti-acusacionnan-haci-den-su-direccion-den-caso-di-glitz-casino-rio-grande-y-paradera/
Esaki ta muestra di e punto di mas abou cu un lider politico por yega, unda e ta tilda y colga na un hende cu simplemente no por papia berdad manera Jan de Ruijter.
“Awe mi ta entrega na prensa tambe, un peticion no na nomber di Sr. van Romondt pero di La Cabana Beach Hotel, cu tin e cantidad di cambernan considera pa por bin na remarke di un casino, caminda na aña 2005 riba 6 di september un peticion a worde haci na e minister encarga, e tempo ey Sr. Rudy Croes,’ Minister Oduber ta splica.
E Ministeriele Beschikking di dia 29 di october 2009, ta demostra con Sr. Rudy Croes a entrega e permiso di Glitz Casino na La Cabana Beach Resort. Esaki a worde haci un dia prome cu el a baha como minister.
Definitivamente e Gobierno aki no tabata sinta riba dia 29 di october na aña 2009.
Minister Oduber a bisa cu por a compronde cu Señora Wever-Croes a indica di tin prueba cu un miyon Dollar a worde paga, siguiendo e acusacionnan di Sr. de Ruijter, pues el lo mester bay wak cerca ‘Mo Rudy’ pa wak e caso aki, mirando cu e tabata esun encarga pa entrega e permiso e tempo ey.
Banda di esaki tambe a haya tende di atakenan cu tin den caso di Sr. Raoul Henriquez pa loke ta trata e ubicacion di un Burger King na e skina di Rio Grande, cu akinan tambe e Minister Oduber a ricibi un otro un miyon pa esaki. E mandatario a splica cu su persona tin añanan cu e no tabatin ningun relacion of conversacion cu Señor ni Señora Henriquez.
‘Mi ta e prome persona cu tempo cu e acto aki a tuma lugar a mustra mi decepcion, descontento y a critike, despues cu Gobierno a duna orden na Monumenten Bureau pa hiba conversacion cu e desaroyadornan di loke lo bira Burger King, unda lamentablemente tog a continua cu e acto di mala fe aki, a sabiendas cu Gobierno tabata bezig pa pone e edificio aki ariba e lista di monumentonan protehi,’ e Minister di Cultura ya splica.
Loke ta trata e propiedad na Paradera, acusacionan a bin dilanti cu Minister Oduber lo ta doño y frontman den e proyecto aki, unda en realidad Sr. van Romondt ta e desaroyador encarga.
Lamentablemente tin hendenan hopi frustra y troci cu no por imagina cu como Gobierno nos a dedica na tur bario rond di Aruba unda haci inversionnan pa eleva calidad di bida di cada ciudadano den cada bario, Minister Otmar Oduber a duna di conoce.
| FUENTE: http://www.diario.aw |
