Aunke cu e no ta esun mas grandi di mundo, el a hala atencion di esunnan pasando den bisindario di haf cu hopi tempo no a mira un yate asina grandi di bishita. E tabata mara na e area unda cu barconan ta mara.
Aunke informacionnan ricibi ta indica cu e propio doño, Debbis Washington, tabata abordo, esaki no por a wordo confirma. Oficialmente ta wordo indica cu e ta un nave cu charter. E yate di 337 pia propiedad di Dennis Washington, normalmente staciona na Charleston Marina, a wordo construi na 1998 y a haya e nomber di Evergreen for di un comerciante Hapones. Pero el a wordo cumpra na 2007 y a cambia e nomber pa Attessa IV door di Washington, kende ta un magnate di mundo di construccion procedente di Montana y kende su pasa tempo ta pa cumpra yate y remodelanan.
Den declaracion cu Washington a duna recientemente, el a bisa cu el a pasa mas di tres aña reconstruyendo y rediseñando e yate na su gusto. Awor e ta dispone di un di cinco piso unda tin un “loumge & bar”, pool y deck cu ta inclui spa. E yate tin su mes helicopter y helipad. E balor ta calcula na 450 miyon florin. Aunke cu el a bishita Corsou caba, na momento cu el a bandona Aruba diamars mainta, su itinerario ta mustra cu e ta bayendo Corsou bek.
| FUENTE: http://www.diario.aw |
