Aki ta trata di Carlos Cano cu ta doño di AIS Aruba Industrial Services situa den e area di Barcadera pariba di Dump di Parkietenbos. E compania ta representa Caterpillar tambe na Aruba.
Carlos Cano a wordo tira mata diadomingo marduga na Venezuela. E tabata bayendo su cas ora cu el a wordo sorpresa pa gruponan criminal cu intencion di sea atraca of secuestra e comerciante aki. Na edad di 53 aña el a fayece. E ta un bon amigo di hopi hende. E noticia aki a core na Aruba mesora y a shock masha hopi persona. El a laga atras su casa y un yiu cu ta bayendo school na Aruba.
Carlos Cano pa algun aña ta invertiendo na Aruba y tabata den e proceso pa bende tur loke e tin na Venezuela pa establece su mes totalmente na Aruba. Diasabra anochi e tabata na Venezuela formando di un rato ameno cu amigonan. Semper ora e move na Venezuela e tin su bodyguards cune. Anochi a keda di yama e bodyguards pa nan bai cune cas. Pero su amigonan a bise cu “nan mes lo hibe”. Esey tabata su destino final tambe.
Na caminda pa cas a haya nan mes confronta cu e grupo criminal riba caminda cu autonan y asina a cuminsa un tiramento. E situacion a bay asina leu cu ora a baha pa enfrenta e criminalnan arma nan no a mira cu patras di nan auto tambe tabata tin mas di e grupo criminal. Eynan a sefta cu bala te mata e comerciante y otronan cu tabata cune.
Venezuela den ultimo decada a bira un lugar masha peligroso mes. Den pasado caba tabata tin tipo di situacionnan asina cu a sosode cu su ruman. Intento di secuestro unda a mata varios di e criminalnan durante nan intento. Pesey e falta di bodyguard den e proceso pa bai cas awe por ta e consecuencianan cu el a wordo tira mata sin proteccion necesario.
Carlos Cano y su ruman pa añanan tabata tin un compania grandi di cemento Distribuidora Los Morochos na Valencia. Nan mesun compania ta encarga cu Caterpillar na Venezuela y Aruba. Carlos Cano tin un compania di Heli Tour tambe cu tabata na benta. Asina e tin diferente inversion haci y mirando cu e kier bin establece su mes na Aruba e hunto cu e ruman tabata bendiendo tur cos na Venezuela. E ruman ta bibando na Fort Lauderdale caba.
Na Tierra del Sol Carlos Cano tabata bibando cu su casa y su yiu. Dialuna mes lo dera segun informacion haya. Diferente amistad di Aruba ta tratando di bay Venezuela pa asina tey na e despedida. Pas na su restonan y forza na e famia y tambe su amistadnan.
| FUENTE: http://www.diario.aw |
