Tin indicacion cu nan no ta bay docter pero ta busca den botica remedi pa dolor, y na e momentonan aki tin cierto remedinan, entre nan paracetamol den stropi, pa mucha y otronan cu ta bin den tablet cu ta hopi recomenda pa dolornan artritico, cu no tin den nos mercado di remedi.
Segun comentario cu un ciudadano local a haya for di un boticario, esaki ta debi cu e Venezolanonan a bari cu tur e remedinan aki, y mester a pidi e agencia pa supply e boticanan, pero ainda nan no a yega y no tin den stock. Despues di un sorto di recess di un par di siman cu a mira menos Venezolano na Aruba, aworaki aki atrobe nan ta biniendo den grupo cu ta huur hospedahe den distritonan, y entre nan tin cu ta bin cu e virus. E boticario mes a comenta cu esaki ta un situacion preocupante, cu kizas no tin ni manera pa frena, y corda cu nan ta uza nos transporte publico, posiblemente ta bay wak carnaval, nan ta cumpra den supermercado, ta cana den Caya, ta subi tram, etc., mientras e virus ta desaroyando den nan curpa, y ta conoci cu e zangura transmisor di dengue y Chkingunya ta activo den henter nos Isla. E mesun boticario a bisa cu e ta aconsehando tur nos hendenan cu ta drenta cumpra den e botica concerni, pa nan y nan famia uza repellent pasobra awor no ta cuestion mas si tin criadero na cas, pasobra hopi di nos no tin at all, pero ta cuestion cu nos no sa ni mes, ki camindanan publico unda hende ta cana e sangura por pica bo, chupa bo sanger y pasabo e malesa.
| FUENTE: http://www.diario.aw |
