Un di nan tin alrededor di 7 aña di dienst y otro ta un di e miembronan nobo cu a cuminsa traha den e ultimo grupo di Douane.
Nan tabata trahando na e parti pazuid unda avionnan priva ta baha.
Un pasahero cu lo a yega cu mercancia lo a keha nan na balie.
Ta un caso cu ta andando pa basta tempo caba.
Di aña pasa e caso lo a sosode of e pasahero a bay keha nan.
Ta e siman cu a pasa a drenta un carta unda ta notifica e dos miembronan di Douane cu nan ta wordo prohibi pa drenta tur area di trabou.
E investigacion ta uno caminda ta sospecha nan di a tuma placa for di un pasahero pa laga su mercancia pasa bay.
E pasahero , aparentemente venezolano, lo a bin cu cosnan cu mester a paga un impuesto halto riba nan.
Ta wordo menciona cu e pasahero sea a wordo ofreci pa paga of riba su mes kier a paga e miembronan di Douane pa su cosnan pasa.
Ta wordo menciona un suma di mas cu 2000 dollar.
Ora e pasahero Venezolano aki a termina cu su proceso di Douane el a sali y bay keha mesora na e balie pafo.
Eynan e cos a cuminsa cana unda awe e empleadonan aki ta sospechoso door di corumpi cu nan trabou.
Mester bay averigua si ta berdad e dos empleadonan aki a tuma placa. Ta basta pasahero Venezolano ta pasa via e entrada aki diariamente. Tin hopi pasahero Venezolano cu ta gusta bin cu storianan tambe.
No ta prome biaha cu ta pasa den situacionnan cu cierto pasahero Venezolano.
Na e aeropuerto mes unda avionnan comercial ta baha a yega di tin problema cu pasaheronan Venezolano.
Nan kizas a perde un tas cu cualkier cos di menos balor y diripiente ta keha of bin gaña cu ta cosnan hopi caro tin den e tas.
Ora haya e tas ta resulta cu tabata tin algun cosmetica barata of resto di pasta di diente y skeiro di diente usa caba.
Esaki ta djis algun ehempel chikito y despues ta bisa cu a laga holoshi caro den e tas.
Den e caso di e dos Douaneronan femenino di parti di Universal pazuid nan lo keda suspendi mientras cu e investigacion ta andando.
Si berdad por proba cu nan a tuma placa y laga e turista pasa cu mercancia esaki ta castigable.
Nan mester a cobra e turista impuesto di entrada riba su mercancia cual lo mester a bay den caha di gobierno.
Loke a pasa aki ta castigable si e turista Venezolano aki ta papiando berdad. E dos miembronan di Douane segun informacion no ta miembro di e sindicato di Douane tampoco.
| FUENTE: http://www.diario.aw |
