No ta usual cu ta manda henter un Ministerio cas, pero semper tin un prome bes. Diaranson e lo tuma un decision con ta sigui y cua di e empleadonan lo sigui traha cune.
Ultimo dianan aki a para bira masha normal cu documentonan, cartanan, decretonan gubernamental, nombracion y varios otro documentonan legal ta sali den medionan di comunicacion, di un forma pa purba desacredita Gobierno rond di decisionnan cu ta tuma.
Tin hende ta pensa cu e documentonan ta lek for di BID, e departamento di Gobierno cu ta procesa tur corespondencia, of na Departamento di Finansa, of for di oficina di Secretariado di Conseho di Minister. Awor ta mustra cu den e propio oficina di e Ministernan mes tin hende trahando cu no por “confia”.
Minister Dr. Alex Schwengle lo bay den historia como e prome mandatario cu ta haci algo asina, sino como un di e poco nan cu a tuma un decision asina drastico, den cual e no a scapa ningun empleado cu ta traha banda di dje den su oficina.
E fin di siman aki Minister Schwengle ta biaha pa Panama, pa atende un reunion regional di PAHO y ta bolbe otro siman. E ora e lo tuma un posicion fiho riba con lo sigui cu su empleadonan, cu awor obviamente tin un problema di confiansa.
FUENTE: http://www.diario.aw |