Ayeranochi DIARIO a haya confirmacion cu Roberto Delgado kende ta director di e orquesta di Ruben Blades a laga sa durante di fin di siman cu nan ta biniendo cu e orquesta completo y cu nan lo presenta un repertorio amplio cu ta cubri e henter e carera exitoso di e legendario ganador di 13 premio Grammy Ruben Blades. Esnan cu lo atende e concierto lo no tin oportunidad casi pa sinta ya cu lo percura pa un ambiente di salsa nunca bisto na Aruba.Recientemente nan tabata di gira den Sur America y tambe na Europa bishitando entre otro Spaña. E orquesta di Roberto Delgado lo presenta e diferente estilonan di salsa segun el genero di musica aki evoluciona den transcurso di e ultimo decadanan, incluyendo e Salsa Big Band cu nan ta conoci p’e.
DIARIO tambe a haya sa cu Ruben Blades mes ta ansioso pa bishita Aruba. Esaki ta su gira di despedida Caminando Adios y Gracias y Aruba tin e honor di por mira su concierto di despedida cual ta un oportunidad cu niun hende kier perde.
FUENTE: https://www.diario.aw
