Tabata Diahuebs anochi, cu un speedboat tipo Metal Shark di Guardacosta di Caribe Hulandes, tabata patruyando rond di Curacao y den area di Spaanse Water a bin topa cu un velero sospechoso.Abordo di e boto, nan a bin haya dos Venezolano sin documento. Nan a wordo deteni y hiba pa Pier di Guardacosta.
E velero mes nan a mare cu cabuya, y a lastre rumbo pa Pier di Guardacosta tambe.
Ora cu a bay haci un investigacion abordo di e velero, oficialnan di Douane y Guardacosta a bin descubri hopi saco cu posible pildoranan di Ecstasy (XTC), y tambe demas droga.
E dos hombernan hunto cu e droga, a wordo pasa pa Polis di Curacao pa sigui cu e investigacion.
Observadornan a keda babuca, cu awor narcotraficantenan no ta ni usa Speedboat mas. Ta djis e boto di mas slow, esta un velero, nan ta logra nabega y yega e isla sin wordo detecta mes.
FUENTE: Con información de Diario de Aruba
