PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

martes, 14 de abril de 2020

(Curazao) Venezolano a wòrdu derá Bibu na Choloma

E víktima venezolano Angel Alexander Barrios Rodriquez, nasé na Venezuela di 50 aña di edat kende tabata pèrdí for di djabièrnè 7 di febrüari 2020, a wòrdu derá bibu na Choloma. Ta trata di un akto basta kruel ku a tuma lugá riba nos isla. Despues di un luna a logra detené un trahadó di e víktima ku a bin mustra polis unda e kurpa di e hòmber tabata derá.

E sospechoso ta un venezolano di apénas 20 aña ku aworakí tur bista ta riba dje, komo esun ku sa mas di e asesinato di e víktima. El a bisa ku no ta e so a kometé e krímen aki.

Vershon di e akusado ta ku el a keda sekuestrá i obligá pa lanta sèn di e víktima. El a bisa ku esnan ku a kometé e krímen kruel aki tambe kier a asesin’é i bent’e den e buraku ku nan a koba i dera e víktima bibu.

Tabata dia 18 di mart último den oranan di mèrdia ku un grupo limitá i chikí konsistiendo di entre otro reshèrshinan i personal di TOD, a bai den área di Choloma pa un kurpa sin bida ku a nan a haña den un buraku.

E hóben sospechoso ku despues di a keda detené dia 6 di mart último, a disidí di laga los i papia kiko a sosodé ku su doño di trabou pa despues mustra unda a dera su kurpa.

E tabata esun ku a dirigí e investigadónan na e sitio kaminda e venezolano pèrdí lo tabata.

Nan a topa ku e venezolano derá di un manera hopi kruel.

A logra haña loke a sobra di kurpa di e víktima sin bida ku tabata den e buraku.

Loke a haña bou di tera tabata un skelèt, kaminda por a tuma nota di algun parti di kueru, djente pero praktikamente nada mas. Loke si por a tuma nota di dje ta ku e víktima tabata mara na su mannan.

For di despues di su desaparishon famia i amigunan a kuminsá ku su búskeda i asta a traha foyeto i parti rònt pero sin por a logra yega na ningun informashon konkreto.

E sospechoso a bisa ku ta trata di un kaso di atrako/robo ku a kaba den asesinato. E tabata esun ku tabata depositá sèn pa e víktima, pues tabata sa praktikamente tur su informashon personal relashoná ku kuenta nan bankario. E tabata esun ku lastu a trata na lanta sèn for di e kuenta di e víktima.

E sospechoso ta para riba ku e no ta esun ku a mata e víktima i no tin nada di aber ku su desaparishon ni su morto, pero mas bien a bira víktima tambe di esnan ku a kometé e krímen.

Su detenshon a keda alarga ku 60 dia mas i ta den isolashon (Beperking) ainda pa su propio seguridat.

Polis ta trahando duru pa saka afó ken ta e supuesto personanan ku ta responsabel pa e krímen horendo i kruel aki.

FUENTE: Con información de extra.cw

LEA...

 

LO + Leído...