E weekend cu a pasa, un avion cu Efi Tromp ta usa pa bula entre Aruba cu Venezuela a worde prohibi pa sali di Venezuela. A ground esaki. Asina mes a sigui haci vuelonan cu otro avionnan cu tin. Lo ta cobra 280 Dollar pa e biahe pa bay y bin entre e dos paisnan.
Lo tin kehonan entrega y investigacion a cuminsa cana te cu diahuebs atardi den careda di 2:30 e team di Recherche, K-9 y tambe fiscal cu huez comisario a presenta na Schotlandstraat caminda Efi Tromp ta biba. Ora el a bin atende cu autoridad a mustre riba su derecho y bay over na detencion. A listra e cas pa posibel documentonan cu por yuda autoridad den e investigacion.
Mientrastanto cu e invesigacion tabata andando den Schotlandstraat a sigui tambe cu investigacion na aeropuerto na e parti zuid unda avionnan priva ta sali. Aki a detene e dos otro pilotonan cual un di nan local tabata trahando pa AGS e momento ey. Tur tres a worde transporta cu boei na man pa polis y esnan di CEA cu e van di transporta detenido.
E team di K-9 a bay over na investiga pasando cu e cacho pa busca pa arma y droga. Miembro di Douane na aeropuerto encarga cu cacho tambe tabata tey. Na aeropuerto e cacho a pasa riba dos avion cu e grupo aki ta usando. No a topa cu cosnan ilegal.
Un di e avionnan cu registracion Mericano parce pa algun luna caba e registracion no ta legal mas pero asina mes tabata keda bula cune. Con leu e investigacion aki lo yega no ta conoci.
Si mester bisa cu aviacion civil di Aruba tambe ta envolvi den e investigacion cu ministerio publico y polis. Mirando e caso aki cu detencion a pone cu tabata tin hende na aeropuerto cu a keda perhudica wardando e momento pa nan por a biaha. Un vuelo comercial ta algo cu ta exigi basta cos entre otro seguronan adicional pa pasahero etc.
Den e caso aki nan ta bulando vuelo cu pasahero sin cumpli cu un cantidad di cos pasobra nan no tin un permiso comercial pa bula. Kizas nan ta hacie estilo charter of bay cu pasahero laga pasa cu no ta cobrando. Pero e cantidad di vuelonan ta basta entre e dos paisnan y constante cu pasahero. Esnan investigando mester tin basta material pa por a bay over na detencion. Straño ta cu na Venezuela y na Aruba den aeropuerto mes unda e avionetanan aki ta sali tin benta di ticket. Cos cu ta pasando masha tempo caba publicamente y cu cada pago ta haya cu recibo te hasta. Pesey ta sinti cu tin un caminda cu algo a bay robez cu un pasahero cu tin poder y cu a keha e grupo aki. Asina na Venezuela a ground e prome avion y awor na Aruba a bay over na haci e tres detencionnan.
| FUENTE: http://www.diario.aw |
