Informacion ricibi for di Corsou ta indica cu ayera anochi mas o menos 20 pasa di ocho, na Jamaicaweg na Buena Vista, un vehiculo KIA Sportage a yega na un cas unda tabata tin celebracion di cumpli aña di un morocho, y for di e vehiculo a dispara cu arma pisa,–tur indicacion ta cu ta trata di arma automatico – y a mata varios persona y herida varios otro. Bisiñanan cu a tende e disparonan ta sospecha cu ta automatico, locual vocero di polis tambe a confirma y ta supone cu probablemente lo a usa AK-47.Segun e informacion, na e cas, 3 persona a muri den balcon di e cas y e otro a muri na Hospital, mientras cu 6 persona mas a wordo transporta pa hospital di cualnan un lo ta grave y tabata teme pa subida y otronan un mas grave cu otro.
E morocho cu tabata celebra cu nan a cumpli aña ta entre e mortonan, segun e prome informenan cu a sali ayera anochi for di e lugar.
Den un cunucu mas despues a haya un vehiculo kima y ta sospecha cu esaki lop por ta e auto cu a wordo usa pa e atake riba e cas den Jamaicaweg.
Den Antiguaweg den vecindario un señora tambe lo a zak den otro y ta supone cu lo por tabata un familiar, pero cu no a wordo confirma ayera anochi mientras cu personal di ambulance a bay atende cu ne.
Awe lo haya sigur ma informacion relaciona cu e cao tristo aki na Corsou unda casi semanalmente ta tuma lugar un tiroteo cu of sin morto y cu sigur ta trece cune un imagen sumamente negativo pa e isla turistico.
FUENTE: https://www.diario.aw
