Dia 12 di September 2017, Paul Croes a presenta dilanti Hues Comisario caminda riba peticion di Fiscal a prolonga e detencion di Paul Croes cu 60 dia.
Ta asina cu e procedimento aki ta cu portanan sera o sea solamente e abogado of abogadonan y Fiscal ta presente cerca Hues Comisario.
Famianan y conocirnan di e sospechoso lo mester keda warda te ora cu abogado informa nan kico ta e decision.
DIARIO den combersacion cu e defensa di Paul Croes por a compronde cu Corte Superior a rechaza e apelacion di Paul Croes. Esey ta nifica cu Paul Croes ta keda encarcela.
Corte Comun di Husticia a declara como ‘sin base’ e bezwaar cu sospechoso Ministro Paul F.T. Croes a cuminza contra e decision tuma anteriormente pa huez-comisario den casonan penal na Corte di Prome Instancia di Aruba, pa alarga su detencion cu 60 dia.
Ademas Hof a rechasa e peticion di e sospechoso pa suspende su detencion. Esey kier meen cu Croes lo keda den detencion pa awor. Na november lo dicidi atrobe tocante alarga su detencion.
Croes ta worde sospecha di a haci su mes culpable di hechonan castigable serio: ambtelijke omkoping (pasivo), malversacion, labamento di placa, falsificacion y mensensmokkel.
FUENTE: Con información de https://www.diario.aw