martes, 5 de junio de 2018

(Aruba) Companianan Europeo interesa den proyecto Fast Ferry

Siman pasa minister Chris Romero (MEP) a reuni cu minister di transporte di Corsou, Zita Jesus-Leito y a entreg’e un fios rapport. Esaki ta tocante e proyecto Fast Ferry. E companianan Europeo Aqualiner Waterbus y Fred Olson ta interesa den e proyecto.

E rapport aki a keda traha na 2016 y e rapport ta duna tur aspecto con visibel e proyecto aki ta y ta brinda tur e posibilidad necesario pa e proyecto aki. E mandatario ta bisa entre e reunion cu a wordo tene a papia cu entre otro Ton Jansen, cu a duna un empuhe na e proyecto aki, unda cu a trece diferente proyecto cu solucion, y tambe cu Corsou ta interesa den e rapport aki.


Fast Ferry
Compania Europeo Aqualiner Waterbus tambe ta interesa den e proyecto di fast ferry pa Aruba. Tambe e compania Fred Olson ta un di nan cu ta interesa den e proyecto aki.

E compania Fred Olson ya caba ta involucra na Tenerife, caminda nan ta operando riba 7 isla y esaki ta un exito, segun e mandatario. Un otro compania cu a wordo acera pa e mandatario ta Aqualiner Waterbus di Hulanda. Segun e minister ‘nan tin e experticio riba e area aki caba’ pa motibo cu nan ta maneha den lamanan bruto manera di Tenerife.

Aqualiner Waterbus ta dispuesto pa bin Aruba y haci un evaluacion pa wak kico tur Aruba kier y kico nan mester pa asina haci e proyecto aki bira un realidad. Minister Romero a bisa cu ‘e reunion cu Aqualiner Waterbus ta uno cu a duna claridad pa e proyecto aki’.

E siguiente stap ta pa trece un representante Aruba, pa asina duna informacion na parlamentarionan y conseho di minister. “Ora ta asina leu lo firma un MOU cu Corsou pa asina sigui avansa cu e proyecto aki.”

E idea ta pa trece e proyecto aki na San Nicolas e mandatario a sigui bisa. “Ya caba a reuni cu RDA y a wak e terenonan disponibel pa e proyecto aki, pero no por stroba e operacion di Citgo.”

“Ta asina cu tin diferente proyecto cu kier desaroya eynan, pero tin terenonan disponibel den RDA pa cu e sigur lo por wordo uza pa e fast ferry aki y asina brinda na un otro pilar economico pa pueblo di Aruba y San Nicolas lo beneficia di esaki”, e mandatario a termina.

FUENTE: https://www.bondia.com
 

LO + Leído...