martes, 12 de febrero de 2019

(Aruba) Ex polis venezolano abusado di hende muhe ta wardando asilo politico

E homber deteni dialuna mainta na Sero Blanco pa agresion serio contra un dama, tin un lista di caso den su contra. Por ehempel e mesun dama cu el a maltrata dialuna mainta, ta esun cu a yude sali liber di otro maltrato serio contra un otro dama. E otro dama cu tabata su pareha prome hasta a wordo hinca seriamente. Ta resulta cu e homber tabata lunanan ilegal na Aruba pero awor tin status di wardando contesta pa haya Asilo Politico di Minister Andin Bikker. Pero wardando e status aki el a maltrata por lo menos 2 hende muhe caba!

Desde December 2018 e prome victima a huy laga tur cos na Aruba pa sconde na Colombia pa no wordo mata. E prome pareha tabatin 20 aña na Aruba. Awor un ilegal cu a yega Aruba na September 2017 ta causando un problema serio contra e hende muhe.

Den apenas tres luna el a comete dos violencia domestico pisa. E proma na November 2018 unda el a hinca e pareha seriamento cu cuchiu. Aunke e tabata ilegal, tog e pareha nobo a logra paga abogado y defensa legal y convence Hues y Fiscal pa lage liber na Aruba. Liber pasobra na Venezuela e tabata Polis y nan ta buske pa mata despues di tabata sospechoso den un caso di droga na Venezuela. Hasta el a cay cera na Venezuela.

Awor na Aruba e kier hiba bida di rey y maltratando hende muhe. E mesun pareha nobo cu a yama Polis pe, a pensa di duna keho pero na caminda a cambia di idea masha lihe. Asina mes Polis a bay cu e homber warda di Recherche. Nos tin documentonan cu por prueba tur loke e homber aki a comete contra e prome pareha. Con Aruba por laga tipo di hendenan asina peligroso cana rond bou capa di peticion pa asilo. E cos aki ta hopi serio!

Autoridad mester saca e homber aki urgente for di Aruba prome cu e causa mas daño. Con un hende cu tin 20 aña hibando su bida na Aruba y cu su yiunan, mester bandona Aruba urgente pasobra su bida ta na peliger na man di un homber ilegal cu manchanan criminal?

Ademas di autoridad cu ta bon na altura di loke e homber a haci, hasta Fundacion pa Hende Muhe den Dificultad tambe nos tin entendi a sigui e caso aki masha di cerca. Nan a conseha e otro victima cu a ser hinca seriamente dor di e homber aki. Siguridad di nos pueblo awor ta den man di husticia pasobra nan tin e criminal den nan custodia y e chens ta den nan man pa sake for di Aruba.





FUENTE: Con información de https://24ora.com
 

LO + Leído...