Alrededor di 6 luna pasa e mama di Joran a registra nomber di su yiu como marca comercial.
Esey director di pelicula Paul Ruven a descubri, ora cu e tabata trahando riba e pelicula riba Joran, esta ‘Me & Mr. Jones.
“Net prome cu nos kier a bay edita e pelicula, un carta di un abogado di van der Sloot a yega na nos”.
Esaki segun Ruven, kende a bisa cu e carta a indica cu no por bin un pelicula di Joran van der Sloot, pasobra e marca “Joran”, ta propiedad di famia van der Sloot. E director a pidi su propio abogado pa investiga e claim.
E abogado ey a yega na e conclusion cu no tin base pa prohibi e pelicula. E abogado a bisa cu por ta posibel berdad cu e mama a registra e nomber como marca, pero esey ta diferente na algo manera e nomber di Coca-Cola, cu tur caminda ta wordo proteha. Sinembargo cerca un persona esey ta hopi dificil y demasiado caro.
Banda di esaki e abogado a bisa cu door di tur locual Joran a hasi, e ta un figura publico.
E director sinembargo como precaucion a saca algun escena di e pelicula. Dia 22 di September e pelicula ta bay den estreno.
FUENTE: http://www.diario.aw/2011/08/mama-di-joran-van-der-sloot-a-registra-nomber-di-su-yiu-como-marca/
