(Aruba) Reconstruccion ayera di caso Robyn Gardner cerca di Baby Beach

ORANJESTAD (AAN): Autoridadnan a bay ayera den e area di Baby Beach pa asina haci un reconstruccion di e caso di Robyn Gardner cual ta e muher mericano cu a desaparece dia 2 di Augustus ultimo.
Den e caso aki e principal y unico sospechoso te cu awor ta Gary Giordano, kende a bin Aruba cu Gardner pa pasa un vakantie hunto.
Aunke ayera a divulga no tabata conoci ki dia e reconstruccion lo por a tuma lugar, por a mira cu ayera presencia di autoridad tabata notorio den e area di Baby Beach.
Segun Ministerio Publico tin inconsistencia den e storia cu e sospechoso a conta polis despues di e desaparicion di Gardner.
Giordano ta cera den KIA desde dia 5 di Augustus 2011.
Manera a ser menciona, husticia tambe ta investigando un seguro di viahe cu a wordo cera na balor di 1.5 miyon dollar riba bida di Gardner cu Giordano a cera prome cu nan viahe pa Aruba.

FUENTE: http://www.diario.aw/2011/09/reconstruccion-ayera-di-caso-robyn-gardner-cerca-di-baby-beach/