(Aruba) Fiscal ta bolbe laga otro sospechoso cu dollar falso bay liber

ORANJESTAD (AAN): El a bira algo cu parce no ta castigable mas pa Ministerio Publico. Awendia ta comosifuera cu Ministerio Publico mes ta busca excusanan fofo pa laga sospechosonan den libertad. Diaranzon durante dia un muher Venezolano a bin na un banco na Palm Beach pa cambia dollar.
El a entrega 1000 dollar cu ta diez biyete di 100 y tur tabata falso. Parce cu el a cumpra cos tambe cu e dollarnan falso den hotel. No ta un secreto cu regularmente Venezolanonan sa yega Aruba cu Dollar falso. Algun dia pasa un muher tambe a worde gara na hotel cu dollar falso. Tambe henter un famia a worde gara riba The Palm Island cu dollar falso.
E dos casonan aki y tambe esun ultimo di diaranzon fiscal no a haya cu tabata necesario impone un multa. Cu e proceso di traha aki nifica cu den futuro recherché of polis no mester forza nan curpa pa encamina henter e proceso legal.

Djis asisti e yamada y kita e dollarnan falso ta mas cu suficiente y destrui esakinan. E muher a bisa cu el a cambia e placa na un casa de cambio na Venezuela. El a trece e dollarnan y a bay banco pa cambia e biyetenan di 100 pa papel di 20.

Asina e por drenta mas facil cu nan back na Venezuela.
A base di e storia aki tabata suficiente pa fiscal cay den wega y laga e muher liber. Kizas e por tin mas dollar falso y awor e por sigui hinca nan den nos economia perhudicando awor nos comerciantenan.

FUENTE: http://www.diario.aw