Venezolano ta yega Aruba cu dos dozijn di bala cayente

Diaranzon den oranan di atardi riba un vuelo di Venezuela autoridadnan di Aruba a pone man riba un homber Venezolano cu tabata tin bala cayente den su poder.
Personal di Douane a tira man riba dje y ta detene tambe na aeropuerto mes. A cuminsa e proceso di interogacion pa asina haya sa kico ta intencion cu e balanan aki.
Ta trata di 24 bala cayente di un caliber no mucho halto. Polis a worde yama y nan a transporta e homber pa warda. El a bin pa vacacion. Ministerio Publico a ser poni na altura y asina fiscal a impone un multa riba e homber aki.

E mester paga e multa pa asina por recobra su libertad y goza di e siman santo. Probablemente e lo no tabata sa cu e balanan tabata den su pertenencianan cu el a viaha cune.

No a haye cu arma.
No ta prome Venezolano cu ta yega Aruba cu bala cayente y cu ta declara cu accidentalmente nan tabata den ekipahe.

FUENTE: http://www.diario.aw