YMCA ta spera un sosten grandi di parti di nos comunidad diabierna dia 1 di juni

YMCA tin su fundraising annual na unda cu celebridad nan ta bini pa yuda yama y asina recauda fondonan pa YMCA Aruba por sigui traha pa bienestar di nos hobennan y tambe e comunidad. Manera ta conoci YMCA tin un variedad di programa henter aña y tambe tin opvang despues di scol pa hobennan.
Ademas tin un programa di diferente lesnan pa adultonan cu kier siña algo extra despues di oranan di trabou.

Na 1955 Sr. Roberto P. (Bob) Steele a mira e necesidad di establece un YMCA na Aruba. Despues cu LAGO a haci donacion di edificio di YMCA na San Nicolas na 1961 y 1967 Rotary Club a haci donacion di e edificio na Oranjestad. YMCA Aruba ta traha na beneficio di e comunidad como cu esaki ta loke tur e trabou di YMCA ta encera.

YMCA como Guiador di proyecto, promotor di literatura y ayudo na e muchanan:

Loke nan a siña durante e añanan ta cu door di ta activamente envolvi cu e muchanan di e proyecto di comunidad, esaki a engrandece e exito di e habilidad di mucha pa siña y presta miho na scol. Como educacion ta un elemento importante di formacion di nos muchanan na YMCA, nan ta promove liderato entre nos muchanan envolviendo 40 mucha cu ta haya sosten cu nan huiswerk y ta haya guia necesario di e muchanan mas grandi y hende grandi pa sigura cu nan ta bay bon na scol.

FUENTE: http://www.diario.aw