E barco aki ta conta cu un satelite di comunicacion grandi, camaranan infrared, un sistema di identificacion di enemigonan y radarnan di vigilancia di alcance largo, tur esaki den un mast di diseño innovado cu no ta draai.
E barco color shinishi a yega siman pasa na e waf Outer Mole Pier di e Marina di Guera di Merca na Cayo Hueso.
E prome recorido lo ser haci na cuminzamento di otro aña. E Holland, di 355 pia, lo patruya awanan teritorial caribense di e seis islanan cu ta parti di Reino Hulandes, esta Corsow, Aruba, Bonaire, Sint Maarten, Saba y Saint Eustatius, islanan cu den conhunto ta alcanza un poblacion di 335 mil habitante.
Aunke e barco aki lo ta brindando su servicio den Caribe, tambe e lo bira un recurso valioso di trabao pa e asina yama Ekipo di Trabao Conhunto Inter-agencianan Zuid, dirigi pa Merca y cu sede na Cayo Hueso. E labor principal di e ekipo aki, for di 1994, ta e intercepcion di e trafico di droga via aire y lama.
A pesar cu na Hulanda, e turismo di droga ta algo legal, e hulandesnan y e francesnan a traha como aliadonan cu Merca den e persecusion di e narcotraficantenan den e region di Caribe.
Ta asina cu e islanan den Caribe tin un ubicacion perfecto pa e narcotraficantenan. Nan ta usa cierto islanan como brug, manera ta e caso di Aruba, Corsow y Bonaire pa e intercambio di droga cu paisnan europeo y hasta cu Africa, segun un raport recien. Nan ta un brug entre Colombia, Venezuela cu Merca y Hulanda.
Sint Maarten ta un brug pa e droganan cu tin como destino Puerto Rico, Virgin Islands, segun un informe di Strategia di Control Internacional di Narcoticonan.
Na Maart, e tripulacion di e fragata di e Marina di Guera di Merca Elrod, cu base na Norflok, a intercepta den awanan caribense un embarcacion conteniendo 455 kilo di cocaina. Den e caso aki, un avion di vigilancia hulandes a capta e supuesto narcotraficantenan y a avisa Elrod, cual a manda un helicopter cu a evita cu e delincuentenan por a huy den e lancha. Cuatro persona a ser deteni.
E captura tabata parti di un operacion di 12 pais conhuntamente, cual a carga e nomber di “Operacion Martiew”, segun un publicacion di elnuevoherald.com.
Ta bon pa remarca cu Hulanda su marina di guera tabata esun mas poderoso durante mitad di siglo 17. awor Hulanda kier pa ningun narcotraficante bay mete cu e islanan chikito aki cu ta parti di Reino Hulandes.
FUENTE: http://www.diario.aw
