(Aruba) Team di arresto a haci un entrada judicial na un cas na Caya danza pa investigacion di un caso

Relaciona cu un caso di hincamento y tiramento na un nightclub na e hotzone banda di e highrise hotelnan, polis hunto cu recherche a actua y a haci detencion pero pa haci e caso completo mester a haci un entrada judicial, pero mirando cu aki ta trata di hendenan conosi pa justicia a dicidi pa envolvi e team di Arresto pa haci un entrada judicial na un cas na Caya Danza. For di tempran a rondona y a keda vigila e cas den dicho caya, pa asina ningun hende of nada sali for di e cas. Na yegada di e team di arresto na e cas e prome cos cu a ser solicita ta pa laga un menor sali for di e cas prome cu e team di arresto drenta. E dama bibando na e cas a laga e mucha sali y despues a laga e porta habri pa e team mes drenta y haci nan trabao. Na final e team di recherche cu polis a drenta y a confisca algun prueba cual ta esencial pa e investigacion.

FUENTE: http://awe24.com