Horcan “Gonzalo” a laga un daño basta considerable atras na St. Marten

For di diadomingo mainta departamento di Meteo St. Marten a emiti un boletin di alerta pa islanan S.S.S. pa un Horcan cu lo ta direccion pa e islanan aki. Dialuna den oranan trempan na St. Marten hopi hende por a sinti e efectonan di e Horcan Gonzalo.

Alrededor di 5’or di atardi e Horcan Gonzalo a cuminsa pasa riba St. Marten acompaña cu biento fuerte y hopi awacero. Segun informacion cu DIARIO a ricibi di varios habitante ta cu e Meteo a anuncia cu e ta un horcan categoria 1, pero segun nan, e tabata mas un Horcan Categoria 3.

E simpel hecho cu nan no a haya suficiente tempo pa prepara pa e tormenta, a pone cu varios cas y establecimento a ricibi hopi daño. E daño cu horcan Gonzalo a laga atras ta uno hopi considerable. Gobierno di St. Marten despues di e Tormenta, a declara un dia liber na St. Marten pa asina tur hende por hasi limpi y drecha locual cu a wordo destrui. DIARIO a ricibi algun imagen pa cortesia di: NRJ Antilles

FUENTE: http://www.diario.aw