Personanan cu a scucha e noticia, a keda masha indigna pasobra nan ta haya cu no ta husto pa e bishitantenan aki, cu ta paga tur cos di adelanta, bin haya cu loke nan a paga balente paga pe, no ta e producto cu nan wordo priminti.
Mester ta hopi cauteloso, pasobra ta Aruba ta haya mal nomber, y apesar cu tin hopi hende tin critica riba e Venezolanonan cu ta biniendo Aruba e ultimo temponan, hopi comerciante y transporte publico ta beneficiando hopi di nan, y pa un mala fe di un hende Aruba por perde nan pasobra nan no ta bay haci promocion di boca pa boca, cerca nan famia y amistadnan cu ainda no a bin na nos Isla, y mester corda cu ta bin dos temporada mas cu hopi di nan lo kier bin Aruba, cu ta Carnaval y Siman Santo.
Tin ciudadanonan cu ta haya cu gobierno ta yama na investiga y haci control riba e huurdonan aki, cu a cuminza abusa di e situacion aki y e demanda y necesidad cu e bishitantenan aki tin pa haya un lugar pa keda na Aruba, y no un lugar con cu ta pero un lugar digno pa cual nan ta pagando na dollar y no poco placa pa un siman.
Tin hende local cu a hasta haya berguenza ora nan a scucha e Venezolanonan conta na experiencia na radio, y tin cu a bisa nos cu si lo a trata di un pareha so, nan lo tabata dispuesto di trece nan na nan cas sin cobra nan ni un cent solamente nan lo mester a percura pa nan cuminda, den un gesto solidario di personanan cu no ta desea pa pasa den algo similar, si nan mes bay den exterior den cualkier pais na unda nan a paga pa un vivienda di adelanta.
Gobierno mester interveni prome cu den futuro hasta casonan den Corte por surgi, djis pa golos pa placa cu algun hende ta!
| FUENTE: http://www.diario.aw |
