For di datonan di Compstat di Cuerpo Policial tin indicacion cu tin un trend general di venezolanonan envolvi den atraconan arma y kiebra den cas di hende.
Por ta cu esaki tin di haber cu e situacion na Venezuela. Tambe a keda constata cu un cantidad halto di crimen cu violencia tabata tin uso di arma di candela envolvi.
Casonan di violacion di leynan y reglamentonan di trafico a baha na 2016 compara cu 2014 y 2015. Na 2014 tabata tin registra 17.469 violacion cu a baha na 2015 pa 13.598 y na 2016 a yega na 10.530. Un splicacion di esaki ta cu menos accion riba trafico a wordo tuma durante e aña ey.
E cantidad di casonan militar a subi di 8 pa 25 entre 2014 y 2016. Na 2014 segun dossier di Marechaussee Real tabata 8 caso di cualnan 2 a wordo pasa pa Hulanda; na 2015 tabata tin 14 caso di cualnan un caso a wordo pasa pa Hulanda y na 2016 tabata tin 25 caso di cualnan 8 a wordo pasa pa Hulanda.
Durante 2014 y 2015 a cera of laga cay cantidad di caso bieu di violacion di reglamentonan y ley di trafico. Esakinan tabata di 897 na 2014, 1025 na 2015 te cu 6064 caso na 2016. Mas di 4 mil caso for di añanan 2009 pa 2013 a kita for di e registronan.
Pa evita cu lo crea atrobe un cero di caso a bin cu un plan segun paso cu ta tene cuenta cu tur partido den e proceso pa por atende con pa cera casonan di trafico na un manera mas lihe, eficiente cu un metodo eficaz.
FUENTE: https://www.diario.aw ->> Ir