jueves, 19 de diciembre de 2019

(Aruba) Cuerpo Policial a cuminza investiga video di dos Polis laborando pero den acto ‘amoroso’ cu dos muher

Observadornan a confirma na DIARIO, cu dos agente policial di seccion Strandpolitie ta den problema serio, relaciona cu algo cu nan a haci durante ora di trabao cu 2 muher.
Cuerpo Policial a start un investigacion pa haya sa tur detaye di loke e patruya di Strandpolitie aki a haci cu dos muher.  Esey despues cu un persona usando un smartphone a graba nan secretamente riba video, y bo ta mira tanto e agente Policial sinta tras di stuur, y e otro agente Policial para pafo di auto ta haya un sorto di recompensa sexual di cada muher.

Sigur Cuerpo Policial lo bay ‘video-enhance’ e grabacion pa asina tur pida scur sali mas cla. Esnan cu a haci e enhance caba, ta mira algo cu tin un Polis sinta tras di stuur, y ta parce cu e muher cu su dos rudianan riba e stul di pasahero ta rek y yega casi riba e agente y bay abao cu su cabez. Aki ta parce cu e ta haci sexo oral cune.

Mientras tanto pafo di e vehiculo, por mira un otro agente Policial ta actua demasiado anima y amical cu e otro muher y mas na final di e video por mira algo parecido cu nan dos tambe lo ta posiciona nan mes uno tras di otro, y aparentemente ta drenta den un acto sexual, ey pafo den aire libre.

Na final, tin video unda bo ta mira con e agentenan a laga e damanan djis cana bay nan destino.

Cuerpo Policial den pasado a yega di atende diferente caso di e indole aki, y casi semper e agentenan policial envolvi a perde nan trabao. Tambe tabatin caso unda muhernan a bay denuncia Polis, y e ora e caso a hasta bira un investigacion penal cu a finaliza den Corte di Husticia.

Ya pa merdia, un monton di hende na Aruba a mira e video, y den social media hasta e hashtag #37 a cuminza circula, pasobra esaki ta e number cu ta aparece riba e wantalodo y tambe e dak di e patruya di Strandpolitie.

Reclamo tabatin na cantidad, esta cu pueblo ta paga belasting pa asina Polisnan haci nan trabao, pero aki ta mira cu agentenan ta ocupa ta satisface nan mes, envez di haci nan tarea pa cual nan a huramenta pe.

Tin otronan cu ta reclama cu e persona cu a graba e video, mester biba su mesun bida. Pero loke e agentenan aki a haci ta full contra regla di nan trabao, e ora nan mester sa di asumi responsabilidad pa nan acto tambe.

Kico e resultado lo ta, esey ta algo cu e investigacion Policial tin di saca afo. Vocero policial Liliana Rasmijn a confirma Diamars merdia 3’or cu nan a tuma paso y a start un investigacion.

A acto aki a socede den distrito di Noord y e investigacion lo determina si algo robez a wordo haci cu ta atacha e bon nomber di Cuerpo Policial, of si acaso e acto ta uno inaceptable.

FUENTE: Con información de diario.aw
 

LO + Leído...