PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

martes, 18 de agosto de 2020

(Aruba) Compania Petrolero Seadrill a haya e tarea: No tin claridad riba intencion pa sondea fondo di lama

Sulmara Subsea hunto cu XOCEAN a haci un sondeo grandi di fondo di lama rond di Aruba. Ta trata di un analisis cu a haci riba peticion di SeaDrill, un compania petrolero basa na Houston y Bermuda. E investigacion riba fondo di lama a bay te na un profundidad di 70 meter di awa y e espacio tabata di 26 kilometer cuadra. A usa un USV, cu ta para pa ‘Unmanned Surface Vessel’di e tipo XO-450.

E forma con e submarino ta traha ta pa medio di multiple rayonan di resolucion halto. E obhetivo ta pa identifica cualkier particularidad di e fondo di lama y asina clasifica si e ta adecuado pa instalacion sigur pa lugarnan pa mara boto of otro construccion marino.

Un team combina di pilotonan di Sulmara y XOCEAN USV, topografonan y procesadornan di data a monitorea e proceso durante henter e mision pa asina logra un operacion sigur di e equipo y calidad di e adquisicion di data.

Segun su relato di prensa, Sulmara a bisa cu uso di sistemanan robotico, sin hende, tin hopi beneficio, incluso seguridad, ya cu e operadornan ta keda riba tera y tin eficiencia ya cu e operacion ta tuma lugar 24 ora, siete dia di siman. E USV di XOCEAN ta traha di forma hopi sostenibel, y casi no tin impacto di emision di gas toxico y tur ta den balance, cu ta resulta den un operacion cu ta ‘carbon-neutral.’

CEO di Sulmara Kevin McBarron, na conclusion di e proyecto na Aruba a bisa cu “nos cliente tabatin mester di un solucion pa e sondeo critico aki cu ta mara na tempo, y uno cu mester a tene cuenta cu e lockdown debi na Covid 19 na tur pais den Caribe.”

E tempo cu a pasa cu XOCEAN riba e beneficionan potencial di colaboracion a nifica cu ambos compania por a traha y reacciona lihe y asina cumpli cu e necesidadnan di SeaDrill.

XOCEAN CEO James Ives tambe a bisa cu “nos plataforma di USV a demostra di ta un solucion sigur y di hopi poco emision di gasnan cu ta contribui na cambio di clima. Asina aki por colecta data oceanico den forma sigur pa tur.”

“Nos ta contento di por a traha na Aruba cu Sulmara y SeaDrill riba e proyecto innovativo aki,” Ives a bisa.

Bon Dia Aruba a yama SeaDrill cu a busca servicio di Sulmara y XOCEAN, pa haya mas informacion riba e proyecto. SeaDrill ta un compania petrolero specialisa den exploracion maritimo. E compania ta incorpora na Bermuda y ta maneha desde London. Bon Dia a yama e oficinanan na Bermuda y London, pero no a logra haya un contacto.

Directie Natuur & Millieu tampoco ta na altura kico tabata e instruccion cu SeaDril a ricibi y kico e trabao ta encera. Te na cierre di nos edicion, no a logra drenta den contacto tampoco cu Directie Scheepsvaart pa haya clarificacion di e trabao di SeaDrill. No a duna clarificacion unda a midi, ni pa ki motibo.

FUENTE: Con información de bondia.com

LEA...

 

LO + Leído...