PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

martes, 29 de diciembre de 2020

Venezolanonan mester visa pa drenta paisnan caribense di reino hulandes

Cuminsando dia 15 di januari, 2021, un rekisito di visa lo ta na vigor pa personanan cu nacionalidad Venezolano. Esaki ta nifica cu personanan cu paspoort Venezolano mester aplica pa un visa pa por biaha pa e paisnan Caribense den Reino Hulandes.

Personanan na Venezuela por haci esaki na oficina di VSF Global na Caracas, personanan cu nacionalidad Venezolano pafo di Venezuela por aplica pa e visa na un embahada di Reino Hulandes of un oficina di VSF Global, depende di nan localidad. Por bay riba e website aki: https://www.netherlandsworldwide.nl/travel/caribbean-visas/short-stay-caribbean-visa-90-days-or-less pa mas mas informacion.

Ministerio di Asuntonan di Exterior a implementa cierto medida en conexion cu e pandemia di COVID-19, cu tin consecuencia pa apertura y accesibilidad di embahadanan y consuladonan di Reino Hulandes mundialmente. Un di e medidanan ta cu temporalmente niun hende no por bishita un embahada of consulado sin cita. Te proximo aviso personanan cu kier aplica pa un visa Caribense mester acudi na Directorado di Relacionnan Exterior (DBB) pa haci peticion pa un cita pa aplicacion di visa. E Directorado lo comunica esaki cu e embahada of oficina di VSF y despues e persona conserni por sigui cu e proceso di visa regular. Un peticion pa un visa por wordo manda na [email protected]

Gasto pa un visa ta €80. Por fabor tene cuenta cu VFS Global por cobra pa nan servicionan. Tambe tene na cuenta cu dor di COVID-19 por tin restriccion pa drenta Corsou di exterior, por fabor tuma nota di ultimo noticia di gobierno di Corsou pa cu esaki via https://gobiernu.cw/corona-travel-to-curacao/

FUENTE: 24ora.com

LEA...

 

LO + Leído...