sábado, 11 de septiembre de 2021

(Aruba) Gobernador a acepta gabinete Wever-Croes II

Formador mr. Evelyna Wever-Croes emiti su informe final del Gobernador de Aruba, Su Excelencia Alfonso Boekhoudt. Formador a conclui cu e candidatonan pa nombra, ta capas pa e funcion di minister, respectivamente minister plenipotenciario, despues di evaluacion a base di e Decreto Nacional di 9 de septiembre de 2013.

Riba 27 di augustus Gobernador ya a ricibi e acuerdo di gobernacion firma pa MEP y RAIZ ye dia ey a informa tocante e reparticion di cartera. Formador cu esaki formalmente a acepta e encargo di formacion.

Formado a yama conferencia extraordinario pa anuncia ultimo desaroyo rond di formacion di Gabinete Wever-Croes II

Formado a yama conferencia extraordinario pa anuncia ultimo desaroyo rond di formacion di Gabinete Wever-Croes II. Lesa mas https://24ora.news/2X5gePs

Posted by 24ora on Thursday, September 9, 2021

Formador a apunta e siguiente personanan pa nombramento como ministro: 

  • Evelyna C. Wever-Croes; ministro di Asunto General, Innovación, Organización Gubernamental, Infraestructura y Planificación Teritorial, alabes ministro-presidente 
  • Geoffrey B. Wever; ministro di Asunto Económico, Comunicación y Desaroyo Sostenibel 
  • Ursell M. Arends; ministro di Integridad, Naturalesa, Transporte y Cuido di Grandinan
  • Xiomara J. Maduro; ministro di Finansas y Cultura 
  • Rocco G. Tjon; ministro di Husticia y Asuntonan Social 
  • Glenbert F. Croes; ministro de Trabajo, Integracion y Energia 
  • Danguillaume P. Oduber; ministro di Salud Publico y Turismo 
  • Jan H. “Endy” Croes; ministro di Enseñansa y Deporte 

E conseho di minister nobo, di acuerdo cu e Reglanan di Procedemento di Conseho di Minister, lo dicidi tocante e proposicion na Gobernador encuanto nombramento di e Minister Plenipotenciario na Hulanda.  

Despues cu ofrece e proyecto di e decreto nacional pa retiro di e ministernan actual y nombramento di e ministernan nobo na Gobernador, Gobernador lo puntra presidente di Parlamento pa inform'e mas pronto posibel tocante e decision di Parlamento relaciona cu e retironan ye nombramentonan propone pa e ministernan.

Si para di Parlamento no tin obhecion contra e proposito di Gobernador, por retira e ministernan actual y por nombra y huramenta e ministernan nobo. E fecha di e huramentacion ainda no ta conoci. 

FUENTE: 24ora.com
 

LO + Leído...