Turista a worde haya cu Dollar falso

ORANJESTAD (AAN): Diadomingo madruga banda di 2.50’or, polis a bay na Sr. Frog’s na Palm Beach, na unda un homber a worde haya cu Dollar falso.
Na yegada, Polis a papia cu dos turista, E A. naci na Argentina di 30 aña y e muher Venezolano Y.F.V. di 22 aña. E homber tabatin dos papel di 100 Dollar Mericano cu a resulta di ta falso.
E kier a paga su cuenta cune.
Polis a confisca e placa y a ripara mesora cu e Dollarnan ta falso. E turista a bisa polis cu no tabata sa cu e ta falso y no tabatin mas placa pa paga. Al fin el a paga cu su credit card. E Dollarnan a keda confisca.

FUENTE: http://www.diario.aw