(Aruba) Seguridad a gara muher Venezolano turista crusero hortando tas caro den mall

Reaccion rapido di Corporate Security a conduci na pone man riba un ladron Venezolano cu a yega Aruba cu crusero. Polis a wordo manda den direccion di waf na Playa pasobra tin turista cu a horta cu a wordo gara drentando waf. Ora cu polis a yega no a topa nada. Asina mes nos reporteronan si a sigui riba e caso buscando mas informacion.

A resulta cu e muher Venezolano a yega riba barco. El a bai den Renaissance Mall pa asina mira kico tin pa cumpra. Na dado momento el a tira man riba un tas cora di Michael Kors balora na 700 dollar y bai cune. E seguridad atento a bai su tras. Ademas di esey el a horta un tas cu make up di otro turista. Te den porta di waf a bai tras di e muher aki cu a purba paga su tas cu el a horta pero parce e credit card a faya cune. El a purba tog di bai cu e tas sin paga dor di horta esaki. Na waf a kita tur cos bek for di dje.

E datonan di e muher ta conoci tambe pa asina tur hende sa. E dianan aki tin basta Venezolano y nan ta purba pasa nan carchi di credito. Nan ta mal usa e ocasion aki tambe pa situacion bira druk y den grupo ta busca manera di horta. Ora cu nan tin nan cosnan y bai pa paga ta purba kita atencion pa otronan horta mientras cu nan credit card ta faya. Pesey tin mas negoshi cu a bira victima na man di cierto di e hendenan aki.

FUENTE: http://www.diario.aw