Inversionistanan Venezolano ta hayando tur cos facil na Aruba pero pa localnan si tin traba!

Den nos edicion di Diamars, DIARIO a referi na bendemento di edificionan na Oranjestad, cu ta tumando lugar y cu ta bayendo den man di gruponan Venezolano, cu ta lantando negoshi na Aruba.

E articulo a wordo bon ricibi pa nos lectornan y mas informacion a bin acerca. Por ehemplo cu riba tereno di construccion tambe tin kehonan cu nos mes corant a yega di haya di trahadornan cu a keda di mal trato y falta di pago di contratista Venezolano.

Tambe tin indicacion cu e inversionistanan aki ta hayando tur cos masha facil mes, pa lanta negoshi na Aruba, mientras cu pa e yiu di tera mes tin cantidad di rekisitonan cu ta wordo exigi di nan, djis pa habri un negoshi chikito unda hopi traba ta wordo poni. Esaki ta locual negociantenan local (di e poconan cu a resta) ta laga sa.

FUENTE: http://www.diario.aw