Mayoria a yega den fin di siman. Na Venezuela cada ciudadano mester cumpli cu tur exigencia na Cadivi prome cu nan sali. E instancia cu ta aproba nan placa pa uso ora di vacacion.
Esey a sosode y nan a haya aprobacion tambe. Kiermen nan a Sali cu tur confianza for di nan pais pero ora a yega Aruba a resulta cu nan no por saca placa. No por paga cuminda, estadia y otro necesidadnan durante nan vakantie na Aruba.
Dialuna mainta nan a presenta na Consul Venezolano, diferente Venezolano a topa pareu eynan. Nan mes no conoce otro pero eynan a constata cu tur tin mesun problema.
Ora a kere cu consul Venezolano lo yudanan a keda decepciona. E consul a biranan cu e tin man mara y den e caso aki e no por yudanan. Henter mainta a keda eynan sin un solucion.
Na consul e grupo a reuni y asina den en bloke a dicidi di busca forma pa sigui cana e caminda. Asina a logra pa move y busca atencion di Parlamento di Aruba riba esaki.
A logra bati na porta di parlamento unda kier a haya un politico cu por a duna un man riba nivel di politico pa e problema aki. Pero tabatin reunion di Staten andando.
Awe Diamars mainta a keda di bay back na Consul pa sigui mira e posibilidad pa un solucion. Ta adultonan y muchanan cu a keda perhudica pasobra cu tur confianza a sali for di Venezuela cu nan Credit Card aproba y awor na Aruba no por paga of lanta placa.
| FUENTE: http://www.diario.aw |
