PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

martes, 17 de septiembre de 2019

Diario de Aruba: Ta basta cu mentira y manipulacion Mike Eman!

Hamas un ex-Ministro Presidente a baha na e nivel aki
No por ta posibel cu den un sistema democratico, un solo persona ta kere cu e por destrui un pais.
Awe nos ta reta Mike Eman y tur cu kier defende pa pone prueba riba mesa pa demostra cu nos na cualkier momento a gaña ora cu prueba den man nos a informa pueblo di e forma cu Mike Eman y su gabinete a destrui Aruba.



Hamas den historia di Aruba un ex Minister Presidente a yega di baha na e nivel di Mike Eman pa trata di bolbe como gobernante. E loke Mike Eman a yama un mensahe nacional a bira un berguensa nacional pa e pais cu hamas a spera cu Mike Eman lo a yega asina leu.

Cu un bouquet di mentira, Mike Eman a presenta otro show pa pueblo. El a yena su presentacion cu loke mester a bira un biahe sentimental cu el a yena cu veneno pa e por a acusa su contrincantenan politico di ta haci loke e ta haci.

Cu e hamber di poder di Mike Eman no tin limite, pueblo ta realisa. Pero cu e ta baha te na e nivel cu el a baha pa uza Caft y idioma Hulandes pa bolbe trata di manipula pueblo, no tin nomber den e buki di decencia di Aruba.

Pero kico Mike Eman sa realmente di Aruba cu ni ta e parti cu e mester uza pa yama su mes lider?

Con Mike Eman ta tribi papia di un crecemento economico na 2017 ora ni presupuesto e no por a cera? Con Mike Eman por papia di crecemento economico na 2017 ora hunto cu Nicolas Maduro el a hinca Aruba den e desastre economico cu yama Citgo y cu a rementa den cara di Aruba pa destrui e pais?

Na 2015 ya instancianan manera IMF a mustra Mike Eman kico e mester haci pa evita cu na 2018 Aruba lo a zink! E contesta di Mike Eman tabata pa hinca Aruba den un calamidad mas grandi.

Di ki cifra Mike Eman ta papia si e no a cera presupuesto 2018 na 2017? No tabata e gobierno nobo cu a wordo confronta cu e situacion hereda cu hunto cu Caft mester a yega na un presupuesto nobo den cual mester a scrap Citgo?

Ta na momento cu Parlamento a trata e presupuesto di Aruba, cu un tardansa desconoci den nos historia na 2018, Prome Ministro Evelyn Wever-Croes a entrega Parlamento e documento scondi cu Mike Eman a bay firma na Venezuela cu Nicolas Maduro?

Ta basta Mike Eman! Loke bo y bo gobierno a haci mester wordo rechasa pa tur cu no ta bay television pa lanta sentimento di pueblo cu un cancion y poco potret cu nan a saca for di nan album personal.

Ta basta Mike Eman! Ta basta! Stop do abusa di Aruba cu bo mentiranan, fantasianan y mundo cu bo so por comprende pero cu ta hopi barata, Mike Eman.

Stop di instiga. Stop di crea desaster riba e desaster cu awe nos ta trata di sobrevivi.

Ta basta payaso politico cu mester bay busca trabou na Holywood pero na porta patras.

Un berguensa bo ta pa un pais honrado.

Bin bisa cu nos ta gaña si bo tin curashi pasobra esey ta faya bo y bo sa kico ta spera bo!

Laga Aruba na paz, bo a abusa basta. Bay cu bo pensioen di minister, cu ta e sanger di Arubianonan cu bo a destrui como e ministro presidente mas bergonsoso cu Aruba a produci, manera bo mensahe nacional a demostra!

FUENTE: Diario de Aruba

LEA...

 

LO + Leído...