Pesey via e boletin nobo aki, Guardacosta a bisa cu pa algun tempo caba tin un fenomeno andando caminda algun boto local di Aruba ta drenta awanan territorial di Venezuela pa bay busca pisca procedente di botonan, probablemente Venezolano.
E ta un fenomeno cu a cuminsa prome cu e pandemia di Covid-19 a presenta, na unda capitan y/of tripulantenan di botonan a admiti cu nan ta bay busca pisca.
Guardacosta y Fiscal di Ministerio Publico encarga cu asuntonan di Guardacosta ta subraya cu controlnan riba tur boto local cu ta sali for di awanan territorial y bin bek lo continua rigurosamente. Botonan local cu ta ser sospecha di haci traspasonan di por ehempel pisca riba laman, tambe lo sigui wordo controla rigurosamente.
Guardacosta kier corda piscadonan cu tin articulo den ley cu a bin na vigor durante e pandemia di Covid-19 cu ta prohibi e tipo di practicanan aki pa motibonan di seguridad nacional cu ta entre otro importacion di Covid-19 y traspaso di mercancia. E articulo di ley aki ta bisa lo siguiente:
Paragraaf 6, lid 1 en 2, Algemene regeling bestrijding COVID-19 LII
Verbod op niet-reguliere binnenkomst via de zee van goederen
Artikel 6.1
1. Het is verboden met schepen of vaartuigen van welke aard dan ook goederen, waaronder vis, Aruba binnen te brengen zonder toestemming van de Havenmeester.
2. Het is verboden om schepen of vaartuigen van welke aard dan ook, binnen of buiten de territoriale wateren van Aruba zonder toestemming van de Havenmeester contact te maken met buitenlandse schepen of vaartuigen van welke aard dan ook met als oogmerk de overslag van goederen.
Pa conclui Guardacosta ta subraya cu semper ta y lo sigi para banda di nos piscadornan local y lo actua contra personanan cu ta actua encontra di e ley manera aki ariba menciona.
FUENTE: Con información de Diario de Aruba
